فبروري 22, 2019

د بندیز سربیره، د نسلي چرګانو واردات روان دي

د بندیز سربیره، د نسلي چرګانو واردات روان دي

(عزم چهارشنبه ۱۳۹۷ سلواغه ۱۰)

په داسې حال کې چې د کرنې او مالدارۍ وزارت د بریډر یا نسلي چرګانو پر واردولو بندیز لګولی، لا هم د دغو چرګانو زیاته کچه واردات هیواد ته ترسره کیږي.

دغه چرګان ژوندي یا هم په کارتونونو کې د ورونونو په شکل یخ وهلي د ایران، برازیل او پاکستان له لوري هیواد ته واردیږي چې د کرنې وزارت وایي، دا واردات د یوې مافیایي ډلې له خوا په قاچاقي ډول تر سره کیږي.

په ټوله نړۍ کې د دغو چرګانو پرغوښه بندیز لګول شوی ، خو افغانستان یواځنی هغه هیواد دی چې لا یې هم په بازارونو کې د دغه ډول چرګانو پیر او پلور روان دی.

د دغو چرګانو غوښه بې کیفیته او سخته وي او د دې لپاره چې پر افغان سوداګرو یې وپلوري، په مصنوعي توګه یې چاغوي، درانه فلزات(سرب، ارسینیک او فلورایډ)، انتي بیوتیک، واکسینونونه او هورمونونه ورکول کېږي چې له امله یې د انسان روغتیا زیانمنیږي او د زړه، معدې، پښتورګو او مثانې د سرطان لامل کېږي.

کرنې وزارت وایي، دغه ډول چرګان د بل جنس په نوم هیواد ته راوړل کیږي، خو ژمنه کوي چې په ټول توان به یې د خرڅلاو مخه ونیسي.
سوداګر په دغو چرګانو کې د پام وړ ګټه کوي او هر چرګ له ۳ تر ۵ کیلو ګرامه وزن لري چې دوی ته ټول چرګ په ۵۰ کلدارو تمامیږي او دلته یې بیا هره کیلو په ۱۰۰ افغانۍ پلوري

Related posts

Leave a Reply

ستاسو برېښناليک به نه خپريږي. غوښتى ځایونه په نښه شوي *